फाल्गुण १०,२०७६
-आस्था न्युज
फाल्गुण १० , २०७६ काठमाडौं । काठमाडौं महानगरपालिकाले अतिक्रमित सरकारी तथा सार्वजनिक जग्गामा डोजर चलाएको छ l यस संगै महानगरपालिकाले सरकारी अतिक्रमित जग्गा फिर्ता अभियानलाई तीव्रता दिएको छ।
काठमाडौं महानगरपालिकाको वडा नम्बर ३१ तीनकुने जागृतिनगरमा रहेको अतिक्रमित जग्गामा शनिबार महानगरले त्यसक्षेत्रबाट निर्वाचित प्रदेशसभा सदस्य गणेश दुलाल र वडानम्बर ३१ का वडाध्यक्ष नारायणप्रसाद भण्डारीसहितको टोलीले अतिक्रमित जग्गामा डोजर चलाई जग्गा फिर्ता लिएको हो।
जग्गा सरकारको नाममा रहेकोले टहराहरु भत्काइएको प्रदेशसभा सदस्य गणेश दुलालले बताए l त्यस्तै वडाध्यक्ष भण्डारीले १८ दिने सूचना जारी गरेपनि अटेर गरेपछि डोजर चलाएर महानगरले अतिक्रमित जग्गामा रहेका घर टहराहरु भत्काएको बताए ।
तथापी स्थानीयहरुले भने जग्गा खाली गर्न पर्याप्त सूचना नदिएको भनेका छन्। जग्गा खाली गराउन ३५ दिने सूचना दिनुपर्नेमा १५ दिने सूचना जारी गरेर टहराहरु भत्काएको उनीहरुको आरोप छ।
सम्वन्धित समाचार