९७ दशमलव २१ अंकले नेप्से बढ्दा ११ अर्बको कारोबार
-आस्था न्यूज
साउन ३,२०७८ काठमाडौं ।
साताको पहिलो कारोबार दिन आइतबार शेयर बजार ९७ दशमलव २१ अंकले बढेर २,९८० दशमलव ६१ विन्दुमा कायम भएको छ ।
आज दिनभरीमा २२१ वटा कम्पनीको २ करोड ८८ लाख ६३ हजार ९३ कित्ता शेयर किनबेच हुँदा ११ अर्ब ६३ करोड ८१ लाख २६ हजार रुपैयाँको शेयर कारोबार भएको छ ।
आज सबैभन्दा धेरै कारोबार मञ्जुश्री फाइनान्स कम्पनीको भएको छ । कम्पनीको ४० करोड ९९ लाख ७५ हजार रुपैयाँको शेयर कारोबार भएको छ ।
त्यस्तै, नबिल बैँकको ३८ करोड ६३ लाख, अरुण भ्याली हाइड्रोपावर कम्पनीको ३७ करोड ६८ लाख, एनआईसी एशिया बैंकको ३५ करोड ३५ लाख, कामना सेवा विकास बैंकको ३४ करोड ११ लाख रुपैयाँको शेयर कारोबार भएको छ ।
आज सबैभन्दा धेरै हिमालयन पावर पार्टनर, समृद्धि फाइनान्स कम्पनी, सिन्धु विकास बैंक, ङादी ग्रुप, सिङगटी हाइड्रोपावर कम्पनीका लगानीकर्ताले कमाएका छन् । कम्पनीका लगानीकर्ताले १० प्रतितशका दरले कमाएका हुन् ।
शेयर बजार भारी अंकले बढ्दा एनआईबीएल समृद्धि फण्ड २ का इकाई धनीले भने सबैभन्दा धेरै गुमाएका छन्।
