अबदेखि कन्सुलर विभागबाट खोप लगाएको भनेर प्रमाणीकरण गर्नु नपर्ने

श्रावण १८,२०७८

-आस्था न्यूज

साउन १८,२०७८ काठमाडौं।
अबदेखि कन्सुलर सेवा विभागमा खोप लगाएको भनेर प्रमाणीकरण गर्नु नपर्ने भएको छ । 
 
विदेशमा रहेको सबै नेपाली नियोगहरूलाई समेत यसबारे जानकारी गराइएको भन्दै अब कन्सुलरमा गएर थप प्रमाणीकरण गर्नु नपर्ने विभागले जनाएको छ ।
 
हिजो सीसीएमसीले पत्रमार्फत स्वास्थ्य मन्त्रालयले तोकेका ४ अस्पतालहरूबाट जारी भएका खोप प्रमाणपत्रहरू कन्सुलर विभागमा थप प्रमाणीकरण गर्नु नपर्ने बनाइदिन भनेको हो । 
 
यसअघि विदेश जाने कामदार र विद्यार्थीहरुले खोप लगाएको प्रमाणपत्र अस्पतालबाट लिए पनि त्यसलाई फेरि कन्सुलर विभागबाट पनि प्रमाणीकरण गर्दै आएका थिए । विभिन्न देशहरूले खोप अनिवार्य गरेपछि खोप लगाएको प्रमाण पत्र लिनेको सङ्ख्या बढेको छ ।