आफूमा रहेको आत्मविश्वासले नै यो ताज जितेको यूनिताको भनाई छ । तर, यूनितालाई दुख पनि लागेको छ । यत्रो ताज जितेर देशको नाम विश्वमाझ चिनाएर आउँदा पनि मिडिया र सरकारले वेवास्ता गरेको उनले बताइन् । उनले भनिन्- ‘भारतको प्रतिस्पर्धी फस्ट रनरअप हुनुभयो । उहाँलाई स्वागत गर्न मानिसहरु विमानस्थल पुगेका थिए । तर, म नेपाल आउँदा कसैले वास्ता नगरेको देख्दा अचम्म लाग्यो ।’
मिडियामा आफ्नो प्रचार आफै गर्नुपर्दा अचम्म लागेको बताउने यूनिता चलचित्र क्षेत्रमा लाग्ने सानैदेखिको सपना रहेको बताउँछिन् । उनले भनिन्- ‘यो त एउटा खुड्किलो हो । म चलचित्रमा लाग्न चाहन्छु । यसका लागि चाहिने आत्मविश्वास ममा छ ।’
यूनिताले चलचित्र ‘रानी महल’मा काम पनि गरिसकेकी छिन् । अब, उनी दोश्रो चलचित्रमा भने नयाँ नायकसँग काम गर्न चाहन्छिन् ।
