बलिउडमा अहिले प्रियंका चोपडा चर्चामा छिन् । त्यसको कारण हो, उनले अमेरिकी प्रेमी निक जोनासनसँग इन्गेज्मेन्ट गरिन् । त्यति मात्रै होइन, उनी सलमान खानको भारत फिल्मबाट बाहिरिइन् । केही सातादेखि 'भारत'को सुटिङ निरन्तर जारी नै छ ।
निर्देशक अलि अब्बास जाफरले केही दिनअघि ट्विटरमार्फत भारत फिल्मबाट प्रियंका आउट भएको खबर दिएका थिए । प्रियंकाले बिहेको बाटो रोजेकाले 'भारत'मा काम गर्न नभ्याएको दाबी निर्देशक जाफरको छ ।
उनले प्रियंकालाई भनिएको भूमिकामा छिट्टै नै अर्की हिरोइनलाई खेलाइने बताएका छन् । उनले एउटा अन्तर्वार्तामा प्रियंकाको ठाउँमा क्याट्रिना कैफ पनि हुन सक्ने संकेत गरेका छन् ।
निर्देशक जाफरले अब कुन हिरोइनलाई लिने भन्ने कुरा केही दिनमै फाइनल गर्ने बताएका छन् । सलमानका बाबु सलिम खानले प्रियंकाले भारत किन छोडिन् भन्ने थाहा नभएको बताउँदै फिल्म उद्योगमा यस्तो घटना सामान्य भएको उल्लेख गरेका छन् ।
