गायिका मिना लामाको सेलो गीत ‘डम्फुमा’ छोटो समयमै लोकप्रिय बनेको छ । युटुबमा सार्वजनिक भएको छोटो समयमै करिब ७ लाख दर्शकले गीत हेरिसकेका छन् । गीतको म्युजिक भिडियोमा नायक तथा मोडल पल शाह, सृष्टि थापा मगर र सुमी मोक्तानले अभिनय गरेका छन् ।
सोनम लामा ब्लोनले बजारमा ल्याएको गीतका शब्द र संगीत अशुसेन लामाका हुन् । फणिन्द्र राईले एरेन्ज गरेको गीतको म्युजिक भिडियोको निर्देशन भने निकेश खड्काले गरेका हुन् । यसअघि पनि गायिका लामाले सेलो पप र लोक शैलीका दर्जनौँ गीत बजारमा ल्याइसकेकी छिन् ।
