सार्वजनिक भाले मोटर सलिलसुन्दर तुलाधर र सवनम आचार्यले गाएका हुन् । बाबुल गिरीको शब्द र संगीत रहेको गीतको कोरियोग्राफी क्रान्ति केसीले गरेका छन् । भिडियोमा शुभेच्छा थापा, किशोर खतिवडा र निक शर्माले नृत्य गरेका छन् । कार्यक्रममा अभिनेता किशोरले आफूले निर्जलामा विगतका फिल्ममा भन्दा फरक भूमिका निर्वाह गरेको बताए । कथाकारसमेत रहेकी अभिनेत्री शुभेच्छाले निर्जला मनोरञ्जनात्मक फिल्म भएको बताइन् । उनले फिल्ममा आफू गाउँले परिवेशकी निर्जला नामक युवतीको भूमिकामा रहेको बताइन् ।
गायक तथा संगीतकार बाबुलले निर्जलाका गीत सबै वर्गका दर्शक, श्रोतालाई मन पर्ने दाबी गरे । कार्यक्रममा उनले फिल्ममा समावेश शीर्ष गीत, दशैँ गीत र भाले मोटर गाएका थिए । चलचित्र कलाकार संघका अध्यक्ष रामकेशर बोगटी, चलचित्र निर्माता संघका अध्यक्ष आकाश अधिकारी र चलचित्र निर्माता संघ नेपालका अध्यक्ष नवल खड्काले निर्जलालाई सफलताको शुभकामना व्यक्त गरेका थिए ।
