बलिउडका सुपरस्टार आमिर खान पाकिस्तानी प्रधानमन्त्रीको सपथ कार्यक्रममा सहभागी नहुने भएका छन् पूर्व क्रिकेटर एवं तहरिक ए–इन्साफ पार्टीका अध्यक्ष इमरान खानले यही अगस्त ११ मा पाकिस्तानको प्रधानमन्त्री बन्दै छन्। उक्त कार्यक्रममा बलिउडका सुपुरस्टार आमिरलाई पनि निमन्त्रण गरिएको भन्ने चर्चा चलिरहेको बेला आमिरले आफू पाकिस्तान नजाने बताएका हुन्।
हालै दिएको एक अन्तर्वार्तामा आमिरले आफूलाई सपथग्रहण समारोहको कुनै निमन्त्रणा नआएको खुलासा गरेका हुन्।
आमिर भारतीय प्रधानमन्त्री नरेन्द्र मोदीको २०१४ को सपथ ग्रहण कार्यक्रममा समेत अनुपस्थित थिए। हाल आमिर ठग्स अफ हिन्दूस्तानको सुटिङमा व्यस्त रहेका छन्।
