चार दिनमै 'बाहुबली २ : द कन्क्लुजन' ले कमायो ५ सय करोड रुपैयाँ

बैशाख १९,२०७४

वैशाख १९ –

गत १५ गते शुक्रबार रिलिज भएको ‘बहुबली २ : द कनक्लुजन’ले चार दिनको अवधिमा ५०२ करोड कमाएको मुभि बक्स अफिसले जनाएको छ ।

बलिउड बक्स अफिसमा धमाकेदार सुरुवात गरेको फिल्म 'बाहुबली द कनक्लुजन'ले नेपालमा पनि राम्रो व्यवसाय गरेको छ । उक्त फिल्मले नेपालबाट मात्र नेट ५ करोड कलेक्शन गरेको छ ।

बाहुबली २ का कारण यो हप्ता सिंगल स्क्रिन तथा मल्टिप्लेक्समा अन्य नयाँ तथा पुरानो फिल्मले शो पाएका छैनन्। पछिल्लो चार दिनसम्मको शोहरु हाउसफूल रहदै आएका छन् ।

धर्मा प्रोडक्शनको ब्‍यानरमा बनेको फिल्म 'बाहुबली २' मा राजा माहेश्मतीका राजा बाहुबलीको कथा देखाइएको छ ।

राज मौलीले निर्देशन गरेको यो फिल्ममा प्रभास, राणा डग्गुवती र अनुष्का शेट्टीको प्रमुख भुमिका रहेको छ ।

२ सय ७० करोड रुपैयाँमा बनेको यो फिल्मले शाहरुख खानको एक दिनमा सबैभन्दा धेरै कमाईवाला फिल्मको रेकर्ड पनि तोड्यो । पहिलो दिनमै उक्त फिल्मले २०० करोड भन्दा बढी कमाई गरेको थियो ।

फिल्मले थिएटि्रकल राइट्स बेचेर रिलिज अघि नै ५ सय करोड भन्दा बढी रकम जम्मा गरिसकेको थियो ।