रियल म्याड्रिडले चेल्सीका गोलरक्षक थिबाउट कोउर्तोईसलाई भित्र्याउने तयारी गरेको छ।
युरोपियन च्याम्पियन मड्रिडले २६ वर्षिय बेल्जियन थिबाउट कोउर्तोइसलाई क्लब भित्र्याउने तयारी गरेको हो।
थिबाउट सोमबारदेखि सुरू भएको प्रिमियर लिग क्लब चेल्सीको प्रशिक्षणमा सहभागी नभएपछि उनी रियल जाने कुरा थप प्रमाणित भएको अन्तर्राष्ट्रिय सञ्चार माध्यमले जनाएका छन्।
सन् २०११ देखि चेल्सीमा रहेका उनले रूस विश्वकप फुटबलमासमेत उत्कृष्ट प्रदर्शन गरेका थिए।
विश्वकपको उत्कृष्ट गोलरक्षकसमेत भएका उनले चेल्सीबाट खेलेका १५४ खेलबाट १५२ मात्र गोल खाएका छन् भने ५८ खेलमा गोल खाएका छैनन्। एजेन्सी ।
