चैत्र ०७,२०७३

-

भारतीय चर्चित कमेडियन कपिल शर्मा यति बेला फेरी चर्चामा छन् । बेला बेलामा चर्चामा आइ रहने कपिल शर्मा यतिखेर भने आफ्नै साथीलाई दुर्व्यवहारका कारण चर्चित भएका छन्  ।हुन ता उनि कहिले ट्वीटका कारण त कहिले विवादित भनाईका कारण चर्चामा रहिनै रहन्छन  ।

यतिबेला उनी रक्सी र दुर्व्यवहारका कारण फेरी चर्चामा आएका छन् । अष्ट्रेलियाको  एउटा कार्यक्रम सकेर मुम्बई फर्कने क्रममा फ्लाइटमा उनले रक्सी खाएर अर्का चर्चित कमेडियन सुनिल ग्रोवर(डा. महसुर गुलाठी) लाई कुटेको खवर यतिबेला भारतीय मिडियाहरू र सामाजिक संजालमा ब्यापकता पाएको छ  । 

भारतीय मिडियाका एक प्रत्यक्षदर्शीका अनुसार उनले रक्सी खाएर डा.गुलाटी अर्थात सुनिल ग्रोवरलाई बिना कारण गाली गर्नुका साथै उनीमाथि हात समेत हालेका थिए । कपिलले ग्रोवरलाई आफ्नो नोकर भएको भन्दै तथानाम गरेका थिए ।

बिजनेस क्लासमा यात्रा गरेका कपिलको स्वर यति ठुलो थियो कि सबै प्यासेन्जरले क्या भएको भनि सोध्न र उनलाई सम्झाउन पुगेका थिए  । यत्ति हुदा पनि सुनिलले भने  रक्सीले चुर भएका कपिललाई बेवास्ता गर्न आग्रह गर्दै अरुलाई त्यहाँबाट पठाएका थिए  । हुन सक्छ उनि कपिलका यस्तो व्यवहारको आदत परिसकेका छ  ।