आमिरको सो फिल्मका अलवा उनी अजय देवगनको डेब्यू फिल्म 'फूल और कांटे' बाट पनि निकालिएका थिए । उनलाई त्यतिबेला मध्यरातमा फोन गरेर उनको सट्टा फिल्म अरू कोहीलाई लिइएकोले फिल्म सुटिङमा नआउन भनिएको थियो । उनी फिल्मको मुख्य भूमिकामा छनौट भएका थिए ।
यसरी फिल्मबाट अस्वीकृत हुने र अन्तिम समयमा निकालिने भए पनि अक्षयले सन् १९९४ बाट बलिउडमा आफ्नो पहिचान राम्ररी स्थापित गरे । सो समयमा उनलाई एकपछि अर्को फिल्महरूको प्रस्ताव गरियो । सन् १९९४ मा मात्रै उनका १२ वटा फिल्म रिलिज भए । ती १२ फिल्मको सूचिमा मोहरा, मैं खिलाडी तु अनाडी, सुहाग, ऐलान, ये दिल्लगी, जय किशन, जख्मी दिल, जालिम, हम हैं बेमिसाल जस्ता फिल्म छन् ।
उनले सन् १९९१ देखी २००० को बीचमा ४२ फिल्ममा काम गरे जसमा १२ फिल्म हिट सावित भए । हाल अक्षय प्रत्येक साल ३-४ फिल्म गर्छन् । पछिल्ला केहि वर्षमा उनका फिल्महरू निरन्तर सफल भइरहेका छन् । उनी धेरै नाफा कमाइदिने अभिनेताको सूचिमा छन् । उनका फिल्म जति अन्य अभिनेताको फिल्म लगातार हिट हुन सकेको छैन् ।
पछिल्लो समयमा उनले आफूलाई विषयप्रधान फिल्ममा प्रस्तुत गर्न थालेका छन् जसलाई दर्शकहरूले पनि राम्रोगरी रूचाइरहेका छन् । रूस्तम, प्याडम्यान, जोली एलएलबी २, ट्वाइलेट एक प्रेमकथा, एयरलिफ्ट, बेबी आदि फिल्म यसका उदाहरण हुन् ।
अक्षयको 'गोल्ड' १५ अगस्टमा रिलिज हुँदैछ ।
