रोनाल्डोसहित वर्षका उत्कृष्ट ११ गोलकर्ताको मनोनयन
-
साउन ३०, २०७५ एजेन्सी ।
युरोपियन फुटबलको प्रशासकीय निकाय युइएफएले वर्षका उत्कृष्ट गोलकर्ताको मनोनयन सार्वजनिक गरेको छ।
गएको सिजन युइएफएका ११ प्रमुख प्रतिस्पर्धाबाट एउटा गोललाई मनोनयन गर्दै युइएफएले ११ उत्कृष्ट गोलकर्ताको मनोनयन सार्वजनिक गरेको छ।
युइएफएका प्राविधिक अनुगमनकर्ताले हरेक प्रतिस्पर्धाबाट उत्कृष्ट एउटा गोल छनोट गरेका हुन्। अब यी ११ गोल मध्येबाट फ्यान मतको आधारमा उत्कृष्ट गोल छनोट हुनेछ।
यसका लागि अगष्ट २७ सम्म युइएफएको वेब साइटमा गएर मत दिन सकिनेछ।
गएको सिजन च्याम्पियन्स लिगको क्वाटर्फाइनलमा युभेन्टसविरूद्ध रियल मड्रिडका लागि क्रिष्टियानो रोनाल्डोले गरेको ओभरहेड किकमार्फत गरेको गोलसमेत परेको छ।
रोनाल्डोसँगै युइएफएले सबै ११ गोलसहित मत दिनका लागि वेब साइट मार्फत आग्रहसमेत गरेको छ।
