ला लिगामा रियल मड्रिडको विजयी सुरूवात
-
भदौ ४, २०७८५ एजेन्सी ।
स्पेनिस ला लिगा फुटबलमा रियल मड्रिडले विजयी सुरुवात गरेको छ।
क्रिस्टियानो रोनाल्डो र जिनेदिन जिदानले क्लब छोडेपछि पहिलो पटक ला लिगामा उत्रिएको स्पेनिस जाइन्ट रियलले विजयी शुरुवात गरेको हो।
घरेलु मैदान सान्टियागो बर्नबेउमा रियललाई जिताउन ग्यारेथ बेल र डेनी कार्भाहलले एक( एक गोल गरे।
स्पेनीस सुपर कपको फाइनलमा एथ्लेटिको मड्रिडसँग पराजित भएपछि पहिलो पटक मैदानमा उत्रिएको रियलले खेलको २० औं मिनेटमा कार्भाहलको हेड गोलमार्फत खेलमा अग्रता बनाएको थियो। मैदानको बायाँ भागबाट बेलले क्रस गरेको बललाई गेटाफेका गोलरक्षक डेभिड सोरियाले पञ्च गरेको फालेको बललाई कार्भाहलले सुन्दर हेडरमार्फत गोल गरेका थिए।
पहिलो हाफमा १–० को अग्रता बनाएको रियलले दोस्रो हाफमा थप एक गोल गर्दै जित सुनिश्चित गर्यो।
खेलको ५१ औं मिनेटमा ग्यारेथ बेलले गोल गर्दै रियलको अग्रता दोब्बर बनाएका थिए।
गेटाफेविरुद्ध खेलमा पकड जमाए पनि थप गोल गर्न सकेन। यो सँगै रियल ला लिगमा ३ अंक जोड्न सफल भएको छ।
