इन्डोनेसियामा भैरहेको एसियाली खेलकुदमा भारतीय महिला रेसलर विनेश फोगाटले भारतलाई स्वर्ण पदक दिलाएकी छिन् । रेसलिङबाट एसियाली खेलकुदमा स्वर्ण पदक जित्ने उनी पहिलो भारतीय महिला पनि बनेकी छिन् ।
विनेशले महिला फ्रीस्टाइल ५० किलोग्रामको क्याटेगोरीमा जापानकी यूकी इरीलाई ६–२ले हराइन् ।
दोस्रो दिन ५० किलोग्राम फ्रीस्टाइलमा फोगाटले उत्कृष्ट प्रदर्शन गरिन् ।
इन्डोनेसियामा भैरहेको प्रतियोगितामा उनले भारतका लागि दोस्रो पदक दिलाइन् । त्यसभन्दा पहिले रेसलिङमै बजरंग पूनियाले ६५ किलोग्रामको स्पर्धामा भारतलाई पहिलो स्वर्ण पदक दिलाएका थिए ।
