चलचित्र ‘कथा काठमाण्डू’को शीर्ष गीत सार्वजनिक
-
६ भदौ, २०७५ काठमाण्डौ l
असोज १२ गतेबाट सम्पूर्ण नेपालमा प्रदर्शनको तयारीमा रहेको चलचित्र ‘कथा काठमाण्डू’ को शीर्ष गीत सार्वजनिक भएको छ ।
सुरज विक्रम थापाको शब्द, संगीत रहेको उक्त गीतमा वरिष्ठ हाँस्य कलाकार हरिवंश आचार्य र बुलेट फ्लोको स्वर रहेको छ । गीतमा काठमाडौंमा भएका बिकराल समस्याहरुलाई चित्रित गर्ने प्रयास गरिएको छ । चलचित्रमा भएको कथाबस्तुको केही अंश गीतमार्फत प्रस्तुत गर्ने प्रयास गरिएको निर्देशक संगीता श्रेष्ठको भनाई छ ।
विजय राइको निर्माणमा तयार भएको चलचित्रमा लुजा सिंहको छायांकन छ भने भरत रेग्मीको सम्पादन छ । अष्ट महर्जनको द्वन्द्व रहेको यस चलचित्रमा कमल खत्री, मोहित मुनाल, प्रदीप बास्तोला र सुरज विक्रम थापाको संगीत छ । चलचित्रमा प्रियंका कार्की, आयुष्मान देश राजजोशी, संजोग कोइराला, सन्ध्या केसी, प्रमोद अग्रहरि, प्रेक्षा अधिकारीलगायतका कलाकारहरुको अभिनय देख्न सकिन्छ ।
यसअघि चलचित्रमा समावेश ‘रातको कुरा’ बोलको गीतले सर्वाधिक चर्चा बटुली सकेको छ । अघिल्लो चलचित्रमा अभिनेत्री प्रियंका कार्की र अभिनेता प्रमोद अग्रहरीको इन्टिमेट सिनका कारण चलचित्र युनिटले चर्को आलोचना खेप्नु परेको थियो ।
