इंग्लिस प्रिमियर लिग अन्तर्गत आइतबार राति भएको खेलमा चेल्सी विजयी भएको छ ।
लगातार तेस्रो खेलमा जित निकाल्ने क्रममा चेल्सीले न्युक्यासल युनाईटेडलाई दुई एक गोलले हरायो । न्यु क्यासलको घरेलु मैदानमा भएको खेलमा चेल्सीको जितमा इडेन हाजार्डले एक गोल गरे भने एक गोल उपहार पायो ।
पहिलो हाफ गोल रहित बराबरी भएको खेलको ७६ औं मिनेटमा हाजार्डले पेनाल्टी मार्फत गोल गरे । तर ८३ औं मिनेटमा न्युक्यासलले खेल बराबरी गर्न सफल भयो ।
उसका लागि जोसेलुले गोल गरेका थिए । तर त्यसको पाँच मिनेटपछि नै चेल्सी उपहार गोल पायो ।
याड्लीनले बल क्लियर गर्न खोज्दा आफ्नो पोष्टमा गोल गरे । जितपछि चेल्सीले तीन खेलबाट नौ अंक बनाएको छ । समान खेलबाट लिभरपुलको पनि नौ अंक भए पनि गोल अन्तरको आधारमा चेल्सी शीर्ष स्थानमा रहेको छ । एजेन्सी ।
