यस्तो छ खोकी निको पार्ने वैज्ञानिक विधि
-
११ भदौ, २०७५ काठमाण्डौ l
के तपाई लगातार खोकी लागेर हैरान हुनुहुन्छ ? अब झन्झट मान्नुपर्ने छैन । बेलायतको नयाँ स्वास्थ्य निर्देशिकाका अनुसार खोकीका बिरामीलाई सुरुमा महबाट बनाइने घरेलु औषधि वा अन्य सामान्य औषधि प्रयोग गर्न सुझाएको छ ।
चिकित्सकहरुका अनुसार एन्टिबायोटिक्सले खोकी निको पार्न थोरै मात्र सहयोग गर्ने भएकाले हत्तपत्त एन्टिबायोटिक्स प्रयोग गर्नु हुँदैन । प्रायस्जसो बिरामीहरुमा दुई वा तीन हप्ताभित्रै खोकी आफैं निको हुन्छ ।
चिकित्सकका अनुसार जथाभावी रुपमा एन्टिबायोटिक्स प्रयोग गर्दा त्यसले बिरामीलाई नछुने समस्या हुनसक्छ ।
खोकी निको गर्ने केही घरेलु उपचार विधिहरु यसप्रकार छन् :
खोकी निको पार्न कागती, अदुवा र मह हालेको तातो पानी खाने गर्नुपर्छ ।
बिबिसीले जनाएअनुसार अनुसार ब्रिटेनको न्याशनल इन्स्टिच्युट फर हेल्थ एण्ड कियर एक्सिलेन्स (एनआसीइ) र पब्लिक हेल्थ इंग्ल्याण्ड (पिएचइ) ले यसका लागि नयाँ निर्देशिका प्रस्ताव गर्दै यो विधिले खोकीको लक्षण सुधार्न मद्दत गर्ने केही सीमित प्रमाणहरू रहेको बताएका छन् ।
एन्टिबायोटिक्सले पनि धेरैजसो खोकीहरू भाइरसहरु निको गर्न सक्दैन ।
पिएचइकी सहायक निर्देशक डाक्टर सुजन हप्किन्सकी अनुसार एन्टिबायोटिक्सले प्रतिरोधी क्षमतामा पुर्याउने असर ठूलो समस्या भएकोले यसको प्रयोग घटाउन कदमहरू चाल्न आवश्यक छ ।
निर्देशिकाले यदि अन्य गम्भीर रोगहरूका कारण खोकी लागेको भए चाहिँ एन्टिबायोटिक्स आवश्यक पर्न सक्ने सुझाव दिएको छ ।
खोकी लाग्दैमा एक वर्षभन्दा कम उमेरका बालबालिकालाई भने मह दिनु राम्रो मानिँदैन ।
