फ्राइडे रिलिज : हलमा एक्लै मेरी मामु
-
१५ भदौ, २०७५ काठमाण्डौ l
आज शुक्रबार एउटा मात्र नेपाली फिल्म– मेरी मामु प्रदर्शनमा आएको छ । हरेक साता दुईभन्दा बढी फिल्म रिलिज हुँदै आएकोमा यो शुक्रबार भने मेरी मामुले एकल प्रदर्शन पाएको हो ।यम थापाको लेखन र निर्देशनमा सन्तोष सेनले निर्माण गरेको मेरी मामुमा ६ वर्षीय बालक आयुब सेन मुख्य भूमिकामा छन् । आयुब निर्माता सन्तोषका छोरा हुन् । आमा र छोराको सम्बन्धको विषयमा निर्माण गरिएको फिल्मका अन्य कलाकारमा कुसुम गुरुङ, अश्लेषा ठकुरी, शारुख ताम्राकारलगायत छन् ।
अघिल्लो साता प्रदर्शन भएको विकास आचार्यको नाइँ नभन्नू ल–५ शुक्रबारदेखि दोस्रो सातामा प्रवेश गरेको छ । नाइँ नभन्नू लको पाँचौँ सिक्वेलले अझै पनि उत्साहजनक व्यापार गरिरहेको छ । फिल्ममा प्रियंका कार्की, केकी अधिकारी, सेड्रिना शर्मा, दिलीप रायमाझी, अनुभव रेग्मी, स्वस्तिमा खड्कालगायतले अभिनय गरेका छन् ।
