अनुरागको ट्रेलर सार्वजनिक
-
१८ भदौ, २०७५ काठमाण्डौ l
सांगीतिक प्रेमकथानक फिल्म अनुरागको ट्रेलर सार्वजनिक भएको छ । असोज १२ गते प्रदर्शन हुने फिल्ममा एलिजा गौतम र समुद्र पण्डित मुख्य भूमिकामा छन् ।अनुरागको निर्देशन सत्यराज चौलागार्इंले गरेका हुन् ।
अनुराग निर्देशक सत्यराजका साथमा अभिनेत्री एलिजा र अभिनेता समुद्रको पनि डेब्यु फिल्म हो । फिल्ममा एलिजा अनुको भूमिकामा छिन् भने समुद्रलाई रागको रूपमा प्रस्तुत गरिएको छ ।
एरिका फिल्म्सको ब्यानरमा निर्मित फिल्म रामकुमार केसीले खिचेका हुन् । फिल्मका अन्य कलाकारमा राजाराम पौडेल, थिलेन लामा, सरोज खनाल, रूपा राना, मोहन निरौला, शिशिर राणा, कमलीकान्त मैनाली, विश्व बस्नेतलगायत छन् । सार्वजनिक ट्रेलरमा मायाप्रेम र पीडा प्रस्तुत गरिएको छ ।
