मेसी फिफा वर्ष खेलाडीको सूचीमा परेनन्
-
भदौ १९, २०७५ काठमाडौँ ।
विश्व फुटबल महासंघ फिफाले वर्षको उत्कृष्ट अन्तिम तीन पुरूष खेलाडीको सूची सार्वजनीक गरेको छ।
सोमबार सार्वजनिक सूची अनुसार शीर्ष तीन खेलाडीमा क्रिस्टियानो रोनाल्डो, मोहमद सालाह र लुका मोड्रिच परेका छन्। अर्जेन्टिनी स्टार लियोनल मेसी पछिल्लो १२ वर्षपछि पहिलो पटक शीर्ष तीन भित्र पर्न सकेनन्।
हालै सम्पन्न रूस विश्वकको ह्याट्रिककर्ता रोनाल्डो, इजिप्टलाई विश्वकपमा छनोट गराउने सलाह र क्रोएसियालाई फाईनल पुर्याउने मोड्रिचलाई समावेश गर्दै फिफाले वर्षका अन्तिम तीन खेलाडीको सूची सार्वजनीक गरेको हो।
यसअघि फिफाले १० खेलाडीको नाम सार्वजनिक गरको थियो।
अर्जेन्टिनाको राष्ट्रिय टोली एवम् बार्सिलोनाका कप्तान मेसी १२ वर्षपछि फिफाले प्रदान गर्ने वर्षको उत्कृष्ट खेलाडी अवार्डको शीर्ष ३ मा पर्न असफल भएका हुन्।
सन् २००६ देखि लगातार शीर्ष ३ मा पर्दै आएका मेसी यसपटक भने सूचीमा अटाएनन्।
फिफाको द बेस्ट अवार्ड विश्व फुटबलका सबै देशका प्रशिक्षक, कप्तान र अधिकारिक पत्रकारको भोटको आधारमा प्रदान गरिने प्रावधान छ ।
शीर्ष तीनमा परेका रोनाल्डोले गत सिजन क्लब फुटबलमा च्याम्पियन्स लिग उपाधि जिताउने क्रममा सर्वाधिक गोलकर्ताको उपाधि हात पारेका थिए।
मोड्रीचले पनि सोहि उपलब्धिसँगै क्रोएसियालाई विश्वकप फाइनलसम्म पुर्याउँदा कप्तानको भूमिका निभाएका थिए । सलाह भने लिभरपुलको उत्कृष्ट प्रदर्शनमा मुख्य हतियार बनेका थिए । यहि आधारमा मेसीभन्दा बढी अंक जोड्दै तीन खेलाडी अन्तिम सूचिमा समावेश भएका हुन्।
