नेपाली गायनमा दीपशिखा
-
२१ भदौ, २०७५ काठमाण्डौ l
गायिका दीपशिखा मिश्र पछिल्लो समय नेपाली गायनमा स्थापित हुँदै गएकी छिन् । भारतको उडिसामा निर्माण हुने फिल्मकी लोकप्रिय गायिका दीपशिखा एक दशकदेखि नेपाली गीत–संगीतमा सक्रिय रुपमा लागेकी हुन् ।
हालसम्म एक दर्जन नेपाली गीत गाइसकेकी दीपशिखालाई राम्रोसँग नेपाली भाषा भने बोल्न गाह्रो हुन्छ । उनले हालै मात्र नयाँ आधुनिक गीतको म्युजिक भिडियो बजारमा ल्याएकी छिन् । ‘खुशी हुँदा’ बोलको गीतको म्युजिक भिडियोमा अभिनेत्री केकी अधिकारी तथा मोडेल जीवन भट्टराईले अभिनय गरेका छन् ।
विशाल भण्डारीद्वारा निर्देशन गरिएको भिडियो अर्जुन अधिकारीको समुहले छायांकन गरेको हो । हरि लम्सालले संगीत गरेको गीतका शब्द विद्या अनामिका तिवारीले लेखेकी हुन् ।
संगीत संयोजन सचिन सिंहको हो । वीरगञ्जमा बसोबास गर्दै आइरहेकी गायिका दीपशिखाले संगीतलाई निरन्तरता दिन नेपाली गीत गाउन थालेको बताउँछिन् । उनले छ वर्षको उमेरमै अल इन्डिया रेडियोमा भक्ति संगीतमा आधारित गीत रेकर्ड गराएकी थिइन् ।
