अमेरीकी टेनिस खेलाडी सेरेना विलियम्स वर्षको अन्तिम ग्राण्डस्लाम यूएस ओपनको फाइनलमा प्रवेश गरेकी छिन् ।
शुक्रबार बिहान भएको सेमिफाइलनमा लातभियाकी अनास्तासिजा सेभास्तोभालाई दुई शून्यको सोझो सेटमा हराउँदै फाइनलमा स्थान बनाइन् । ३६ वर्षीय सेरेनाले सेभास्तोभा विरुद्ध पहिलो सेट ६–३ ले जितीन भने दोस्रो सेटमा ६–० ले विजयी भइन् ।
अब सेरेना सर्वाधिक धेरै ग्राण्डस्लाम जित्ने खेलाडी मारग्रोट कोर्टको रेकर्डलाई बराबरी गर्न एक जित टाढा छिन् । उनले २४ ग्राण्डस्लाम जितेकी छिन भने सेरेनाले अहिलेसम्म २३ वटा हात पारेकी छिन् ।
करियरको ३१ औं ग्राण्सस्लामको फाइनल खेल्न तयारीमा रहेकी सेरेनाले यो उपाधि जितेमा बढी उमेरमा उपाधि जित्ने पहिलो खेलाडी बन्नेछिन् । उपाधिका लागि सेरेनाले माडिसन किज र जापानकी नाओमी ओसाका बीचको विजेतासँग खेल्नेछिन् ।
