‘जय भोले’ को ट्रेलर सार्वजनिक
-
२२ भदौ, २०७५ काठमाण्डौ l
काठमाडौं । नेपाली कथानक चलचित्र ‘जय भोले’ को ट्रेलर सार्वजनिक गरिएको छ । सार्वजनिक ट्रेलरमा प्रेम, द्वन्द्व, हाँसो र रोदनलाई समेटिएको छ ।
१२ वर्षपछि निर्देशनमा अशोक शर्मा ‘जय भोले’ मार्फत कमब्याक गरेका हुन् ।
दसैंंको फूलपातीमा प्रदर्शनमा ल्याउने तयारी गरिएको चलचित्रमा खगेन्द्र लामिछाने, स्वस्तिमा खड्का, सौगात मल्ल, सलोन बस्नेत, बुद्धि तामाङ, राजाराम पौडेल, बसुन्धारा भुषाललगायतका कलाकारको अभिनय छ । खगेन्द्र लामिछानेले कथा लेखेको चलचित्रका उनै मुख्य कलाकार हुन् ।
ह्युमर सोसल कमेडी ड्रामामा निर्मित ‘जय भोले’ झापा र ईलाममा खिचिएको चलचित्र हो ।
