चलचित्र ‘दैलो’ को गीत ‘कुतु कुतु लाग्यो मलाई’ सार्वजनिक
-
२५ भदौ, २०७५ काठमाण्डौ l
चलचित्र ‘दैलो’ को गीत ‘कुतु कुतु लाग्यो मलाई’ सार्वजनिक भएको छ । जमुनादेवी फिल्मस् प्रा।लिको ब्यानरमा बनेको चलचित्रको यो गीत हाइलाइट्स नेपालले युट्युवमार्फत् सार्वजनिक गरेको हो ।
सुरेश उप्रेतीको लेखन तथा निर्देशनमा बजनेको चलचित्रको यस गीतमा गायिका दुर्गा साउदले स्वर दिएकी छिन् । लक्षु प्रकाश मल्लको संगीत तथा विमल भट्टराईको शब्द रहेको गीत चाँडै लोकप्रिय हुने निर्माण पक्षले विश्वास लिएको छ ।
आईटम गीतका रुपमा प्रस्तुत गरिएको यस गीतको निर्देशन गम्भीर बिष्टले गरेका हुन् । गीतमा पवन पाठकको नृत्य छ । चलचित्रमा जम्मा दुईवटा गीत रहेको निर्माण नियन्त्रक दृष्टान्त आर्चायले जानकारी दिए ।
सामाजिक तथा पारिवारिक कथावस्तुमा निर्माण भएको चलचित्र ‘दैलो’ ३० कात्तिकबाट मुलुकभर प्रदर्शनमा आउने निर्देशक सुरेश उप्रतीले जानकारी दिए । चलचित्रमा सञ्जय न्यौपाने, सुरेश उप्रेती, दुर्गा साउद, विकाश चापागाईं, दिक्षा आर्चाय सापकोटा, मुना प्रसाईं, दिपक डोटेल, सपना श्रेष्ठ, जीवन कुईंकेल लगायतले अभिनय गरेका छन् ।
