बैशाख २५,२०७४

-

वैशाख २५ –

जेष्ठ १२ गते बाट रिलिजको पर्खाइमा रहेको चलचित्र ‘हिटलर’ युनिटलाई अहिले नराम्रो झट्का लागेको छ । चलचित्र प्रदर्शन अगाबै सार्वजनिक गरिएको चलचित्रको ‘जब सम्म’बोलको गीतको युट्युब भिडियोको भियुज एकास्सी घटेको छ ।

चलचित्र ‘हिटलर’ले ‘जब सम्म’ बोलको गीतलाई सामाजिक सञ्जाल युट्युबमा अप्रिल १० मा सार्वजनिक गरिएको थियो ।

गायक सनुप पौड्याल र आकंक्षा बस्यालको आवाजमा सजिएको यस गीतले २ लाख ४६ हजार भन्दा धेरै पटक हेरिएको थियो । तर अहिले यसको भ्यूअर्स ७५ हजारको हाराहारीमा मात्रै देखिन्छ ।

रारा लेक वरिपरी छायांकन गरिएको उक्त भिडियोलाई थुप्रै दर्शकले मन पराएका थिए ।

रिलिजको अगाबै लोकप्रिय बनेको भनिएको  गितको भियुज यसरि घटेको देखेर निर्माणपक्ष पनि अहिले चकित रहेको जनाएका छन् ।

चलचित्रको नाम जर्मनको कु्र् शासक ‘हिटलर’ संग नाम मेल खान गएकाले युट्युबले यस्तो गरेको हुन सक्ने अनुमान छ । भ्यूअर्स कम भएको बारेमा चलचित्र निर्देशक सौरभ ढकालले युट्युबलाई सोधेपनि वास्तविक कारण थाहा हुन नसकेको बताए ।

‘हिटलर’ नामकै कारण चलचित्र टिमले फेसबुक खाता समेत खोल्न पाएका छैनन् ।