काठमाडौं । कलाकार प्रकाश सापकोटा म्युजिक भिडियोमा रमाउन थालेका छन् । म्युजिक भिडियोहरूमा सापकोटाको अभियन प्रसस्त देख्न पाइन्छ ।
दशैँ गीत ‘जहाजै चढेर’ बोलको गीतमा सापकोटाले दमदार अभियन गरेका छन् । भिडियोमा सापकोटालाई सीमा ढकालले साथ दिएकी छिन् । कलाकारितामा लागेर राम्रो पहिचान बनाउँदै गरेका सापकोटाले भने, ‘कलाकार बन्ने रहर त पहिला देखिकै हो । अहिले सपना पूरा गर्ने मौका मिल्दैछ ।’
घरको पीडालाई साथमा लिएर विदेश गएको पतिको भूमिका भिडियोमा सापकोटा देखिएका छन् । म्युजिक भिडियोलाई कपिल लामाले निर्देशन गरेका छन् ।
सप्तऋषि म्युजिकले बजारमा ल्याएको दशैँ गीतमा रमेश बिजीको शब्द, रमेश खड्काको संगीतरहेको छ ।
