-

वैशाख २६ –

फिल्म प्रेम गीत-२ मा समावेश आइटम गीत सार्वजनिक भएको छ ।

साउन १३ गतेबाट प्रर्दशनमा आउन लागेको बहुप्रतिष्ठित फिल्म 'प्रेम गीत-२' को सार्वजनिक उक्त गितको ‘मोटरसाइकल’ बोलको गीतमा नायिका स्वस्तीमा खड्का, प्रदीप खड्का, अश्लेशा ठकुरी लगायतका कलाकारलाई फिचरिङ गरिएको छ ।

सार्वजनिक 'मोटरसाइकलमा' बोलको गीतमा इन्दिरा जोशी र प्रताप दासको स्वर छ ।

राजेश कुमार श्रेष्ठ र बबिनले रचना गरेको यस गीतमा , एलिस कार्कीले संगीत भरेका छन् ।

भिडियोमा रेनिशा वान्तवा राईको नृत्य निर्देशन छ। भिडियोमा नायक प्रदिप खड्काले नायिका स्वस्तिमा खड्कालाई बाईकमा बसेर घुम्न जान आग्रह गरेका छन्। फिल्मकी मुख्य नायिका आश्लेशा ठकुरी पनि भिडियोमा छिन् ।

फिल्म 'प्रेम गीत २' मा प्रदिप खड्का, नवनायिका आश्लेशा ठकुरी, शिशिर भण्डारी, श्रद्धा प्रसाई, कैलाश कट्वाल लगायतको अभिनय छ ।

फिल्मलाई सन्तोष सेनले निर्माण गरेका हुन् । रामशरण पाठकले निर्देशन गरेको उक्त फिल्मलाई पुरुषोत्तम प्रधानले खिचेका छन्। यसअघि सार्वजनिक भएको फिल्म 'प्रेमगीत २' को शीर्ष गीत 'कहानी यो प्रेमगीत को' लाई पनि दर्शकहरुले अहिले खुबै मन पराइरहेका छन् ।

हिजो मात्रै सार्वजनिक गरिएको उक्त गीतलाई अहिलेसम्म २ लाखले हेरि भ्याएका छन् ।