रणवीर विश्वकै उत्कृष्ट : करिना
-
१० असोज २०७५ काठमाण्डौ l
बलिउड अभिनेत्री करिना कपुरले भाइबहिनीसँग काम गर्न आनन्द लाग्ने बताएकी छिन् । एक मिडियालाई अन्तर्वार्ता दिँदै भनेकी छिन्, ‘भाइबहिनीको साथमा काम गर्न खुब आनन्द हुन्छ ।’ करिनाले आलिया भट्ट, रणवीर कपुर र रणवीर सिंहको सानदार अभिनयको तारिफ गर्दै भनिन्, ‘अब यिनीहरूले हिन्दी सिनेमालाई धेरै अगाडि लैजान नेतृत्व गर्नेछन् ।’
करिना ३८ वर्षकी भइन् । उनी आफ्नो पेसागत र निजी जीवनलाई रामोसँग ब्यालेन्समा राख्ने अभिनेत्रीमा पर्छिन् । काममा व्यस्त भए पनि परिवार र साथीभाइका लागि समय निकालिरहन्छिन् । उनी छोरो ‘तैमुर’लाई जन्माएको केही समयपछि ‘वीरे दी वेडिङ’को सुटिङमा व्यस्त भएकी थिइन् । अहिले करिनाले दुई फिल्म साइन गरेकी छिन् । एक फिल्ममा अक्षयकुमार र करिना देखिनेछन् भने करण जौहरको निर्देशनमा बन्ने अर्को एक फिल्ममा पनि करिना काम गर्दै छिन् ।
उनले अन्तर्वार्तामा भनेकी छिन्, ‘मलाई रणवीर कपुरको साथमा काम गर्न खुब मजा आउँछ । हामी मस्ती गर्दै काम गर्छौं । मलाई आशा छ, हामी चाँडै नै एकसाथ फिल्ममा देखिनेछौँ । रणवीर मेरा लागि संसारकै बेस्ट अभिनेता हुन् ।’
