समूहमा लगातार तीन खेलमा जित हात पार्दै अंक तालिकाको शीर्ष स्थानमा रहेको नेपाल मंगलबारको खेल पनि आफ्नो पक्षमा पार्ने दाउमा हुनेछ । जारी प्रतियोगितामा भुटानले एक खेल मात्रै जितेको छ ।
सात टोली सहभागी एसियाली समूह बी को छनोट प्रतियोगिताबाट शीर्ष तीन टोली अर्को चरणको छनौटका लागि जानेछन् ।
पहिलो खेलमा म्यानमार र दोस्रो खेलमा मलेसियामाथि नेपालले ८ विकेटको जित निकालेको थियो । तेस्रो खेलमा थाइल्याण्डलार्इ १४० रनले पाखा लगाएको थियो ।
