म्यानचेस्टर सिटी शीर्ष स्थानमा यथावत्
-
४ कार्तिक २०७५ काठमाण्डौ l
काठमाडौं । इंगलिश प्रिमियर लिग फुटबलमा म्यान्चेस्टर सिटी शीर्ष स्थानमा यथावत् रहेको छ । सिटीले शनिबार राति भएको खेलमा सिटीले घरेलु मैदानमा कमजोर बर्नलीलाई ५–० ले हराएको हो ।
सिटीको जितमा टीम एकता देखिएको हो । १७ औँ मिनेटमा सर्जियो अग्युरोले गोल गरे । पहिलो हाफमा १–० को मात्र अग्रता लिएको सिटीले थप चार गोल गरेको हो ।
५४ औँ मिनेटमा बर्नार्डो सिल्भाले, ५६ औँ मिनेटमा फरनान्डिन्होले ८३ औँ मिनेटमा रियाद महरेजले तथा ९० औँ मिनेटमा लिरोय सानेले गोल गरे ।
जितपछि शीर्ष स्थानको सिटीको ९ खेलबाट २३ अंक भएको छ । समान २३ अंकबाटै लिभरपुल दोस्रो स्थानमा रहेको छ । लिभरपुलले हडर्सफिल्ड टाउनलाई १–० ले हराएको हो ।
खेलको २४ औं मिनेटमा मोहम्मद सालेहले गरेको गोलले नै पाहुना लिभरपुललाई जिताउन मद्धत गरेको हो ।
