साफ यू १५ च्याम्पियनसिप २०१८ बिहीबारदेखि
-
कात्तिक ७, २०७५ ललितपुर ।
आउँदो बिहीबारदेखि ललितपुरको सातदोबाटोमा साफ यू १५ च्याम्पियनसिप २०१८ आयोजना हुने भएको छ ।
नेपाल फुटबल संघ एन्फाले मंगलबार सातदोबाटोको आफ्नै कम्लेक्समा पत्रकार सम्मेलन गरि यसबारे जानकारी दिएको हो । सातदोबाटोको एन्फाको फुटबल मैदानमा हुने खेलमा नेपालको १५ वर्ष मुनिको राष्ट्रिय युवा टिम लगायत बंगलादेश, भारत, भुटान र पाकिस्तानी टिमको सहभागिता रहनेछ ।
एन्फाले टिमहरुको प्रशिक्षणका लागि सशस्त्र प्रहरीको हलचोक मैदान र मध्यपुर युथ एसोसियसनको प्रशिक्षण केन्द्र, सानोठिमीको मैदान मिलाइएको जनाएको छ । यो च्याम्पियनसिपमा १ करोड ६५ लाख रुपैयाँ खर्च हुने अनुमान एन्फाले गरेको छ ।
दक्षिण एसियाली फुटबल महासंघ, साफको कार्यक्रम अनुसार नै एन्फाको आयोजनामा साफ यू १५ च्याम्पियनसिप २०१८ आयोजना हुन लागेको हो ।
