म्यानचेस्टर सिटी युईएफए च्याम्पियन्स लिगको शीर्ष स्थानमा
-
कात्तिक ७, २०७५एजेन्सी ।
इंग्लिस क्लब म्यानचेस्टर सिटी सहज जितसहित युईएफए च्याम्पियन्स लिग फुटबलको शीर्ष स्थानमा उक्लिएको छ।
म्यानचेस्टर सिटीले समूह चरण अन्तर्गत मंगलबार राति युक्रेनी क्लब शाख्तर डोनेट्स्कलाई उसैको मैदानमा ३-० ले हराएको हो।
सिटीको जितमा डेभिड सिल्भा, एम्रिक लापोर्टे र बर्नार्डो सिल्भाले एक एक गोल गरे ।
घरेलु टोलीविरुद्ध सिल्भाले खेलको ३० औं मिनेटमा गोल गर्दै सिटीलाई सुरूवाती अग्रता दिलाए। ३५ औं मिनेटमा लापोर्टेले गोल गर्दै पहिलो हाफमा सिटीलाई २-० को अग्रता दिलाए ।
त्यसपछि खेलको ७१ औं बर्नार्डो सिल्भाले गोल गर्दै सिटीलाई ३ - ० को सहज जित दिलाए।
यो जितसँगै सिटी समूह ुएफु मा ६ अंकसहित शीर्ष स्थानमा उक्लिएको छ । सिटीले ३ खेलबाट ६ अंक जोडेको हो। यस्तै समान खेलबाट २ अंक जोडेको डोनेट्स्क पुछारमा छ।
च्याम्पियन्स लिग अन्तर्गत नै समूह ुएफु को अर्को खेलमा होफेनहाइम र लियोनले बराबरी खेल्दै अंक बाडे।
बराबरीपछि ५ अंक जोडेको लियोन दोस्रो र २ अंक जोडेको होफेनहाइम तेस्रो स्थानमा छन्।
