नयाँ प्रशिक्षकको नेतृत्वमा रियल विजयी
-
कात्तिक १५, २०७५ एजेन्सी ।
सान्टियागो सोलारीले रियल म्याड्रिडको अन्तरिम प्रशिक्षकको रुपमा विजयी शुरुवात गरेका छन् ।
कोपा डेल रेको अन्तिम ३२ को खेलमा युडी मेलिलालाई ४–० गोलले पराजित गर्दै रियलले सहज जित हासिल गरेको हो ।
सोमबार जुलेन लोपेटेगुई बर्खास्तीमा परेपछि सोलारीलाई प्रशिक्षक नियुक्त गरिएको थियो ।
रियलको जीतमा करिम बेन्जेमा, मार्को असेन्सियो, अल्भारो ओर्डिजोला र क्रिस्टो गोन्जालेजले गोल गरे ।
दोस्रो लेग डिसेम्बर ५ मा स्यान्टियागो बर्नेबाउमा हुनेछ ।
उता, बार्सिलोनाले भने तेस्रो डिभिजनको टोली कल्चरल लियोनेसाबिरुद्ध संघर्षपूर्ण जीत हासिल गर्यो ।
