रोनाल्डोको टिम युभेन्टसको जित यात्रा कायमै
-
कात्तिक १८, २०७५ एजेन्सी ।
इटालियन लिग सिरी ए मा क्रिस्टियानो रोनाल्डोको टिम युभेन्टसले आफ्नो जितको यात्रालाई कायमै राखेको छ । शनिबार राति भएको खेलमा युभेन्टसले काग्लिरीलाई तीन एक गोलले हरायो ।
टोरीनमा रहेको एलाइन्ज स्टेडियममा भएको खेलमा युभेन्टसका लागि रोनाल्डोले गोल नगरेपनि एक एसिस्ट गरेका थिए । खेलको पहिलो मिनेटमा नै डिबालाको गोल मार्फत युभेन्टसले अग्रता बनायो ।
तर ३६ औं मिनेटमा जोओ पेद्रोले गोल गर्दै पाहुना टिमलाई बराबरीमा पुर्याए । ३८ औं मिनेटमा युभेन्टसले उपहार गोलमार्फत खेलमा पुनः अग्रता बनायो । पहिलो हाफमा एक गोलले अगाडी रहेको युभेन्टसले ८७ औं मिनेटमा क्वार्डाडोले रोनाल्डोको पासमा गोल गर्दै टिमलाई जित दिलाए ।
जितपछि लिगमा युभेन्टसले ११ खेलबाट ३१ अंक बनाएको छ ।
