चलचित्र ‘कालो पोथी’ फेसबुक लाइभबाट सार्वजनिक

जेठ ०२,२०७४

काठमाडौं, जेठ २ –

नेपाल लगायत विदेशका विभिन्न ठाउँमा चर्चा एवम पुरस्कार पाउन सफल चलचित्र ‘कालो पोथी’ फेसबुक लाइभबाट सार्वजनिक भएको छ ।

बिदेशको बिभिन्न स्थानमा च्यारेटिको तयारी गरिरहेको चलचित्र बेलायतबाट प्रशारण हुने नेपाली टिभी युकेको फेसबुक पेजबाट लाईभ प्रसारण भएपछि निर्देशक मीन बहादुर भाम र उनको टीम अहिले तनावमा देखिएका छन् ।

नेपाली टिभी युकेद्वारा फेसबुक लाइभबाट सार्वजनिक गरे लगतै त्यसलाई हटाउन निर्माण पक्षले अनुरोध गरेका थिए । तर नहटाएपछि बेलायतस्थित आफनो बितरकको माध्यमबाट क्षतीपुर्ती माग्ने तयारीमा छन् ।

पाइरेसी पश्चात ‘कालो पोथी’ले सामाजिक संजाल फेसबुक मार्फत उक्त फिल्मलाई हेर्न अनि सेयर नगरिदिइ कलाकारहरु प्रति आफ्नो कृतज्ञता र सहयोगको भावको अपेक्षा गरे । उक्त फिल्मलाई नेपाली टिभी युकेले अहिले हटाईसकेको छ ।

सामाजिक कथामा बनेको चलचित्र ‘कालो पोथी’लाई फ्रान्सेली वितरण कम्पनी वाइड म्यानेजमेन्टले १४ करोडमा पाइरेसी बिमा गरिदिएको थियो ।