ला लिगामा सेभिल्ला शीर्ष स्थानमा
फाइल फाेटाे-
मंसिर १०, २०७५ एजेन्सी ।
स्पेनिस महारथी बार्सिलोनालाई पछि पार्दै सेभिल्लाले स्पेनिस ला लिगामा शिर्ष स्थान कब्जा गरेको छ । घरेलु मैदानमा आइतबार राती भएको खेलमा सेभिल्लाले रियल भालाडोलिडलाई १–० गोलले हरायो ।
सेभिल्लाको जितमा आन्द्रे सिल्भाले गोल गरेका थिए । आन्द्रेले पाब्लो सराबियाको पासमा उत्कृष्ट हेड गोलगर्दै घरेलु सर्मथकको मन जितेका थिए ।
अन्ततः उक्त गोलनै सेभिल्लाको जितका लागि प्रयाप्त बन्यो ।
दोस्रो हाफमा भालाडोलिडले केही राम्रा गोल गर्ने अवसर बनाएपनि सेभिल्लाका गोलरक्षक थोमा वाक्लिकले उत्कृष्ट बचाउ गरे ।
शनिबारमात्र साविक विजेता बार्सिलोना र एट्लेटिको म्याड्रिडले १–१ गोलको बराबरी खेल्दै अंक बाँडेपछि सेभिल्लालाई शिर्ष स्थान ओगट्ने मौका मिलेको हो ।
जितसँगै सेभिल्लाले १३ खेलबाट २६ अंक बनाएको छ । दोस्रो स्थानमा रहेको बार्सिलोनाको समान खेलबाट २५ र तेस्रो स्थानमा रहेको एट्लेटिकाको २४ अंक छ । यस समिकिरणले ला लिगा रोचक हुने देखिएको छ ।
एजेन्सी
