जेठ ०३,२०७४

-

जेठ ३ –

इन्डियन प्रिमियर लिग (आइपीएल)को प्रथम क्वालीफायरमा जित निकाल्दै राइजिङ पुने सुपरजाइन्टस् फाइनलमा प्रवेश गरेको छ । हिजो भएको खेलमा मुम्बई इन्डियन्सलाई २० रनले पराजित गर्दै पुने फाइनलमा प्रवेश गरेको हो ।

वानखेडे स्टेडियममा टस हारेर पहिले ब्याटिङ गरेको पुनेले निर्धारित २० ओभरमा ४ विकेट गुमाउदै १६२ रन बनाएको थियो । पुनेका लागि ओपनर अजिन्का रहाने र मनोज तिवारीले अर्धशतक बनाए। तिवारीले सर्वाधिक ५८ तथा राहनेले ५६ रन बनाए। यस्तै महेन्द्र सिंह धोनीले २६ बल खेल्दै ५ छक्काको मद्दतमा नटआउट ४० रन जोडे ।

लिग चरणमा पहिलो भएको पुनले १६३ रनको लक्ष्य पुरा गर्न सकेन । मुम्बईले निर्धारित २० ओभरमा ९ विकेट गुमाएर १४२ रन मात्र बनाउन सक्यो । मुम्बईका पार्थिव पटेलले अर्धशतक बनाएपनि पुनेको कसिलो बलिङसामु अन्य खेलाडीले रन नसक्दा हार बेहोर्न बाध्य भयो ।

हारेपनि मुम्बईले दोस्रो प्लेअफ खेल्ने मौका पाउनेछ । मुम्बईले बुधबार हुने सनराइजर्स हैदरावाद र कोलकता नाइट राइडर्सको इलिमिनेटर खेलको विजेतासँग खेल्नेछ । फाइनलमा पुगेको पुनेले भने दोस्रो क्वालीफायरको बिजेतासँग प्रतिस्पर्धा गर्नेछ ।