भुटे–तारेका चिल्ला खाना, तारेर वा अधिक पकाएर विकृत गरिएका खाना,
हानिकारक चिल्लो पदार्थ जस्तै ः स्याचुरेटेड तथा ट्रान्स फ्याट,
व्यायाम र श्रमको कमी,
अत्यधिक तनाव र उत्तेजना,
फास्ट फुड, प्याकेटका खाद्य, बोतलबन्द पेय,
कुलत जस्तै ः ड्रग्स, रक्सी, चुरोट, गुट्खा र सुर्तीजन्य पदार्थ,
मांसाहार र जनावरबाट प्राप्त हुने खाना,
जेनेटिक परिवर्तन,
गहिरो विश्रामको कमी,
प्रदूषण आदि
छाला र नङको गुलाबीपन हराउनुले एनेमिया वा रक्ताल्पता भएको जनाउंछ ।
नङको जरामा कुनै कोठी छ या खैरो÷कालो धर्काहरु छन् भने छालाको क्यान्सर हुने सम्भावना रहने देखिएको छ ।
नङमा लामो लामो धर्काहरु (विभिन्न रंगका) भएमा एक पटक मृगौला, पिसाबको जाँच गर्नु उत्तम देखिन्छ ।
काखी, गर्धन, घाँटी, काँधमा अली खस्रो र छाला भन्दा अलि गाढा रङको धब्बा देखेमा तुरून्त सुगर जाँच गराइहाल्नुहोस् ।
आँखाका परेला, घुँडा, कुहिनाका छालामा स–साना छाला भन्दा अलि हल्का रङका पोका वा सानो सुन्निएका जस्ता दाग वा डाबर वा चिप्लो जस्तो देखिने र डाबरहरु देख्नुभयो भने तुरून्त लिपिड प्रोफाइल तथा मुटुको र रक्तचापको जाँच गराइहाल्नुहोस् । प्रायजसो कोलेस्ट्रोल वा टि.जी. बढ्दा यस्तो हुनसक्छ ।
अनावश्यक तौल बढिरहेको छ, आलस्य लाग्दछ साथै कपाल र साइडका आँखी भांै झर्ने प्रक्रिया बढ्दै छ भने थाइरोइड चेक गर्नु उत्तम हुन्छ ।
आँखा वा छालामा पहेंलोपन बढ्दै गएमा तुरून्त लिभरको जाँच गराइहाल्नुपर्दछ ।
पिशाबको रंगमा परिवर्तन (फिंज भएको, रातो वा खैरो आदि) भएको भए मृगौला, कलेजो आदिको रोग हुनसक्दछ, तुरुन्त चिकित्सकलाई देखाउनुहोस् ।
