धन्यवाद साथी,साथै जिरोको पूरा टिमको तर्फबाट अझै धेरै: शाहरुख़ खान
-
२० मंसिर २०७५ काठमाण्डौ l
शाहरुख खान अचेल आउँदै गरेको फिल्म ‘जिरो’को प्रमोसनमा छन् । गत मंगलबार यही फिल्मको गीत ‘इस्कबाजी’ रिलिज भयो । जसमा शाहरुख खान र सलमान खान एकसाथ देखिएका छन् ।
गीतमा शाहरुखलाई देखेर सलमान आफूलाई रोक्न सक्दैनन् । गम्छा लिएर सलमान पनि मञ्चमा जान्छन् । शाहरुखको साथमा नाच्न थाल्छन् । शाहरुख सलमानको काखमा बसेर उनलाई किस गर्छन् । यो गीतबारे शाहरुखले ट्विट पनि गरेका छन् ।
इस्कबाजी गीतबारे सलमानले पहिले नै ट्विट गरेका थिए । उनले लेखेका थिए, ‘साथीको नाम, माया गर्नेहरूको नाम, इस्कबाजीको नाम ।’ शाहरुखले सलमानको ट्विटको रिप्लाई गर्दै सलमानलाई ट्याग गरेर लेखेका छन्, ‘धन्यवाद साथी, साथै जिरोको पूरा टिमको तर्फबाट अझै धेरै । फेरि तिम्रो गाला चुम्न मन लागिरहेको छ ।’
