नेपाली चलचित्र ‘गोपी’को पोस्टर सार्वजनिक
-
२७ मंसिर २०७५ काठमाण्डौ l
काठमाडौं– विपिन कार्कीको अभिनय रहेको पछिल्लो चलचित्र ‘गोपी’को पोस्टर बुधबार सार्वजनिक गरिएको छ। सार्वजनिक चार पोस्टरमध्ये सबैमा विपिन फिचर्ड छन्। एउटा पोस्टरमा मात्र चलचित्रका दुई अभिनेत्री वर्षा राउत र सुरक्षा पन्तलाई समावेश गरिएको छ।
आरोही केसीको लगानीमा दीपेन्द्र लामाद्वारा निर्देशित ‘गोपी’मा विपिनले गाई पाल्ने किसानको भूमिका निर्वाह गरेका छन्। पोस्टरमा उनको पेशा झल्किने गरी गाई र दूधको क्यानलाई प्राथमिकता दिइएको छ। चलचित्र आगामी माघ १८ गते रिलिज हुने तय भइसकेको छ। विपिनको सडक दुर्घटनाका कारण चलचित्रको पोस्टर निर्धारित समयभन्दा पछाडि सार्बजनिक गरिएको हो। विपिनलाई यसै हप्ता गाईफार्ममा लगेर फोटो सुट गरिएपछि मात्र पोस्टर तयार पार्न सकिएको निर्देशक लामाले बताए। उनले भने, ‘पोस्टरको कलर कम्बिनेसन र कलाकारहरुको भाव मलाई चित्त बुझेको छ।’
आरोही इन्टरटेनमेन्टको ब्यानरमा बनेको चलचित्रमा पटकथा सामिप्यराज तिमल्सिनाले लेखेका छन्। त्यस्तै कार्यकारी निर्मातामा श्रीधर पौडेल, छायाँकार शैलेन्द्र डि कार्की र सम्पादक निमेष श्रेष्ठ रहेका छन्। चलचित्रमा विप्लव प्रतीक र बुद्धिसागरले लेखेका गीतलाई न्ह्यू बज्राचार्य, अर्जुन पोखरेल र कल्याण सिंहले कम्पोज गरेका छन्। पार्श्व संगीत रोहित शाक्यको सुन्न सकिन्छ।
चलचित्रमा प्रकाश घिमिरे, रमेश अधिकारी, अंकित खड्का, भोला सापकोटा, कमलमणि नेपाल, कुन्ती सिमाली, हिउँबाला गौतम, सरोज अर्याल, केशव राई लगायतको पनि अभिनय रहेको छ।बढाउने बेला आएको बताइन्। उनले भनिन्, ‘अब हामीले ब्रिटेनका जनतालाई हाम्रो भविष्यका लागि ब्रेक्जिट दिने बेला आएको छ। त्यो कदमले हाम्रा जनतालाई हाम्रो पैसा, हाम्रो कानुन र हाम्रो सिमानाहरू फिर्ता दिनेछ।’
