रियल फाइनलमा
-
रोजाईका स्ट्राइकर ग्यारेथ बेलको ह्याट्रिकसँगै स्पेनिस टोली रियल म्याड्रिड फिफा क्लब विश्वकप फुटबलको फाइनलमा प्रवेश गरेको छ ।
युएईको अवुदावीमा बुधबार राति भएको सेमिफाइनल खेलमा रियलले जापानिज क्लब काशीमा एन्टलर्सलाई ३–१ गोल अन्तरले हरायो ।
ह्याट्रिक गर्दै रियललाई उपाधि नजिक पुरयाएका बेलले ४४औं मिनेटमा खाता खोलेका थिए । उनले ५३औं मिनेटमा दोस्रो र ५५औं मिनेटमा तेस्रो गोल गरेका थिए । खेलभर रियलको आक्रामणमा परेको काशीमाका लागि सोमा डाईले ७८औं मिनेटमा सान्त्वना गोल फर्काएका थिए ।
फाइनलमा रियलले युएईको क्लब अल इन फुटबलसँग प्रतिस्पर्धा गर्नेछ । फाइनल खेल शनिबार हुनेछ ।
अल इनले यसअघिनै साउथ अमेरिकन च्याम्पियन रिभर प्लेटलाई पेनाल्टी सुटआउटमा ५–४ गोलले हराउँदै फाइनलमा स्थान बनाएको थियो ।एजेन्सी
