नेपाली चलचित्र ‘रणवीर’को पहिलो गीत सार्वजनिक
-
८ पौष २०७५ काठमाण्डौ l
काठमाडौं–आउँदो माघ १८ गतेदेखि प्रदर्शनमा आउने चलचित्र ‘रणवीर’को पहिलो गीत सार्वजनिक गरिएको छ।
शनिबार राजधानीमा एक कार्यक्रमको आयोजना गर्दै ‘तिरीमिरी तिरीमिरी तीन तारा’ बोलको गीत सार्वजनिक गरिएको हो। राजनराज शिवाकोटीको शब्द, संगीत रहेको गीतमा राजनराज र अञ्जु पन्तको स्वर रहेको छ। गीतमा चलचित्रका मुख्य तीन कलाकार सुशील सिटौला र डेब्यू नायिका शुभेच्छा खड्का र सुपुष्पा भट्ट फिचरिङ छन्। गीतको भिडियोलाई रामजी लामिछानेले कोरियोग्राफी गरेका हुन्।
केही दिन अगाडी नक्सालको बालमन्दिरमा भब्य सेट लगाएर यो गीतको भिडियो छायाँकन गरिएको हो। निर्माण पक्षका अनुसार ४ दिन लगाएर खिचिएको गीतमा २५ लाख रुपैयाँ खर्च गरिएको छ।
लभ र एक्सन जनरामा निर्मित चलचित्रमा सुशील, सुभेच्छा र सुपुष्पासँगै प्रशान्त ताम्राकार, रवि गिरी, हरिहर शर्मा, नरेश पौडेल लगायतका कलाकारको अभिनय रहेको छ। चलचित्रलाई गोविन्द सिँह भण्डारीले निर्देशन गरेका हुन। चलचित्रमा गोविन्दकै कथा, पटकथा तथा संवाद रहेको छ। चलचित्रमा महेश पौडेलको छायांकन, कृष्ण भण्डारीको सम्पादन, चन्द्र पन्तको द्वन्द, रामजी लामिछाने र सुरेन्द्र बसेलको कोरियोग्राफी छ।
