मनोरन्जनात्मक गतिविधि

जेठ ०७,२०७४

-

७,जेठ,डलास-

उत्तर अमेरिकामा नेजा नाइट नामक कार्यक्रम हुन गइरहेको छ Iउत्तर अमेरीकामा अवस्थित नेपालिमुलुकुका पत्रकारहरुको छाता संगठन ,नेपाल अमेरीका पत्रकार संघद्वारा उक्त कार्यक्रम आयोजना हुन लागेको हो I

विभिन्न घटना- दुर्घटनामा पर्ने पत्रकारहरूको सहयोगार्थ आपतकालिन कोषको लागी नेजाले आगामी जुन १७ तारिखमा उक्त कार्यक्रम आयोजना गर्न लागेको जनाएको छ ।

ख्यातिप्राप्त नेपाली कलाकारहरू विभिन्न सांगीतिक प्रस्तुतीहरू रहने नेजा नाईटबाट दर्शकहरूलाई मनोरन्जन प्रदान गरिनेछ । नेजाले यस कार्यक्रमको संयोजन गर्ने जिम्मा क्षेत्रिय कोर्डिनेटर किशन रेग्मीलाई दिएको छ । यसअघि नेजाले यस कार्यक्रमलाई न्युयोर्क र भर्जिनियामा सम्पन्न गरिसकेको छ ।

टेक्सासको डलासमा गर्नलागेको नेजा नाईट तेस्रो हो । क्षेत्रिय कोर्डिनेटर रेग्मीका अनुसार कार्यक्रममा प्रस्तुतिको लागि प्रेमराजा महत, गायक गायिकाहरू दिपेश किशोर भट्टराई, विमल डॉगी, संगिता थापामगर, निक्की कार्की, नायक दिलिप रायमाझी, नायिका रन्जना शर्मा, हास्यकलाकार नारायण त्रिपाठी लगायत अस्ट्रेलियामा रहेका गायक समिर आचार्यसँग पनि कुरा भइरहेको जानकारी गराएका छन् । अमेरिकामा रहेका नेपालीहरु कलाकारहरुलाइ नै पहिलो प्राथमिकता दिने उनले बताएI