महेश भट्ट कहिल्यै चिहान जान सक्दैनन्: आलिया भट्ट
-
३० पौष २०७५ एजेंसी l
एजेन्सी। आलिया भट्ट र रणवीर कपूर हालका दिनमा आफ्नो रिलेशनसिपलाई लिएर लगातार चर्चामा आइरहेका छन् । यी दुबै हाल सँगै फिल्म ब्रह्मास्त्रको शूटिंग गरिरहेका छन् । यसक्रममा उनीहरु एकअर्कालाई राम्रोसँग बुझि पनि रहेका छन् । पछिल्लो एक अन्तर्वार्तामा आलियाले रणबीरबारे खुलेर बोलेकी छन् ।
हालै एक टिभी च्यानललाई दिएको अन्तर्वार्तामा आलिएले आफुमाथि बनाइएका चुटकिला, रणबीर र बाबु महेशबारे धेरै कुरा गरेकी थिइन् ।
रणबीरसँगको सम्बन्धबारे सोधिएको प्रश्नमा उनले न सम्बन्ध रहेको स्वीकार गरिन न अस्वीकार ।
आलियाले भनिन्, ‘यस किसिमका कुरालाई म स्वीकार वा अस्वीकार यस कारण गर्दिन कि यदि गलत हो भने के गरुँ? र साँचो हो भने म आफ्नो मुखबाट किन स्वीकार गरुँ?’ यस्तो जवाफ दिँदा आलिया अलि लजाएकी पनि थिइन् । र थारै मुस्कुराएकी पनि थिइन् । उनले दुबै हातले आफ्नो मुख छापिन् । र भनिन्, ‘मेरो मुख रातो भइरहेको छ, र म सामान्य हुने प्रयास गरिरहेकी छु ।’
आलियाले रणबीर कपूर निकै प्रतिभाशाली अभिनेता रहेको बताइन् । उनले जस्तो अवस्थामा पनि रणबीर नर्मल रहने गरेको भन्दै उनले कुनै पनि कुरालाई आफुमाथि हावी हुन नदिएको बताइन् ।
हालका दिनमा आलिया र रणबीरका परिवार निकै नजिक आएका छन् । हालै विरामी ऋषि कपूरलाई भेट्न आलिया अमेरिका पुगेकी थिइन् ।
टिभी अन्तर्वार्ताकै क्रममा भिडियो क्लिपका माध्यमबाट जब महेश भट्टले भने, ‘महेश भट्ट चिहानमा गइसकेको थियो, तर, आलियाले उसलाई जिउँदो बनाइन् ।’
महेश भट्टले आलियाको सफलताबाट गदगद भएको भन्दै जब छोराछोरी पिताभदा धेरै सफल भए भने पिताका लागि यो ठूलो गर्वको विषय हुने बताए ।
महेश भट्टको यो कुरा सुनेर आलिया इमोशनल भइन् । र उनी आशू पुछ्न थालिन । उनले भनिन् ‘महेश भट्ट कहिल्यै चिहान जान सक्दैनन्।’
