टेम्पो चालक बनेकी स्वस्तिमाको ‘बुलबुल’ ट्रेलर रिलिज
-
३ माघ २०७५ काठमाण्डौ l
काठमाडौं– अभिनेत्री स्वस्तिमा खड्काले टेम्पो चालकको भूमिका निर्वाह गरेको चलचित्र ‘बुलबुल’को ट्रेलर सार्वजनिक गरिएको छ।
सार्वजनिक ट्रेलरमा नायिका खड्कालाई विभिन्न रुपमा देखाईएको छ । यो चलचित्रमा स्वस्तिमाका साथमा कलाकार मुकुन भुषाल, जोयस पाण्डे, लक्ष्मी वर्देवा, दीपक क्षेत्री, उज्ज्ल अधिकारी, एलिना कार्की लगायतको मुख्य भूमिका छ ।
‘बुलबुल’का निर्देशक विनोद पौडेल हुन् ।
निर्देशक पौडेलकै कथा रहेको चलचित्रमा सुसन प्रजापतिको छायांकन छ । चलचित्रको निर्मातामा पुरुषोत्तम पाण्डे, अविरल थापा, भिम थापा र राजु पौडेल रहेका छन् । फागूनको ३ गतेबाट प्रदर्शनमा आउने भनिएको चलचित्रको कार्यकारी निर्माता रामराजा दाहाल हुन् ।
चलचित्रको संगीत कोशिस क्षेत्री र उद्गम परियारले दिएका छन् भने स्वर निश्चल बस्नेत र रजिना रिमालको रहेको छ ।
