ईमेज लोक कलाकारको उपाधी रामेछापका रामकुमार नेपालीलाई
-
वैशाख १३, २०७६ काठमाडौं ।
ईमेज लोककलाकार सिजन–दुईको उपाधि रामेछापका आरके नेपालीले जितेका छन् ।
काठमाडौंमा शुक्रबार सम्पन्न ग्राण्ड फिनालेमा नेपालीले उपाधी विजेता बनेका हुन् । उनले डेढ लाख रुपैयाँ समेत हात पारेका छन् ।
यस्तै पब्लिक च्वाई तर्फको अवार्ड भने शितल गुरुङले जितेका छन् ।
देशका विभिन्न स्थानमा गरिएको अडिसन राउण्डमा एक हजार बढी कलाकार सहभागी भएकोमा विभिन्न चरण पार गर्दै पछिल्लो आठ महिनाको अवधिमा फाइनल राउण्ड पार गरी टप टेन हुदै पाँच जना प्रतियोगीबाट विजेता छनौट गरिएको हो ।
टप फाइभमा बत्ती थापामगर, भगवती खाती, शीतल गुरुङ, रामकुमार नेपाली र मोहन केसी पुगेका थिए ।
नेपाली लोकसंगीतको संरक्षण र श्रीवृद्धिमा जुटेको इमेज च्यानलले विगत दुई वर्षदेखि इमेज लोककलाकार नामक रियालिटी शो गर्दै आएको छ ।
