बुधवार पौष २४,२०८१ | Wednesday 08 January,2025
बुधवार पौष २४,२०८१ | Wednesday 08 January,2025
जेठ १५,२०७४
-
जेठ १५ -
अभिनेत्री प्रियंका कार्की आमा बनेकी छन् ।
प्रियंका रियल लाइफमा नभएर रिल लाइफमा आमा बनेकी हुन् । हुन त यसअघिको चलचित्रमा पनि उनी आमाको भूमिकामा देखिएकी थिइन । पछिल्लो समयमा उनले नेपाली चलचित्रमा गाउँदेखि शहरियासम्म र प्रेमिकादेखि श्रीमतीसम्म मुख्य भूमिका निर्वाह गर्न सफल भएकी छिन् ।
गतबर्षको सफल चलचित्र ‘छक्का पन्जा’को सिक्वेल ‘छक्का पन्जा २’ अभिनयमा प्रियंका आमाको भुमिकामा देखिन् लागेकी हुन् । ‘छक्का पञ्जा’ को अन्त्यमा प्रियंकाको शिवहरि पौड्यालसँग विवाह भएको थियो । सिक्वेलमा स्वस्तिमा खड्काकी आमाको भूमिकामा देखिने भएकी छिन् ।
छक्का पञ्जा २’ मा दीपक राज गिरी, प्रियंका कार्की, वर्षा राउत, केदार घिमिरे, शिवहरि पौड्याल, स्वस्तीमा खड्का, जितु नेपाल लगायतको अभिनय रहेको छ । दीपा श्री निरौलाद्वारा निर्देशित सिनेमा ‘छक्का पञ्जा २’ को ७० प्रतिशत जति छायाकंन सक्किसकेको छ ।
प्रमुख समाचार
