कवि धर्मराज अर्यालको छैठौं कवितासङ्ग्रह ‘तृष्णा’ विमोचित

जेठ १७,२०७४

जेठ १७ – कवि एवम् वरिष्ठ पत्रकार धर्मराज अर्यालको कविता संग्रह ‘तृष्णा’ को सोमबार नारायणगढमा विमोचन भएको छ । अक्षर समूह चितवनको आयोजनामा कवितासंग्रह विमोचन गरिएको हो । कार्यक्रममा वरिष्ठ साहित्यकार गोविन्दराज विनोदी, डा.नारायणप्रसाद खनाल, एलबी क्षेत्री, केशव चालिसे, डा.धनेश्वर भट्टराईलगायतको उपस्थितिमा थियो । वरिष्ठ साहित्यकार गोविन्दराज विनोदीले कृतिमा संग्रहित ‘मेरो हस्ताक्षर’ कविता वाचन गरेर उद्घाटन गरेको उक्त कार्यक्रममा विभिन्न साहित्यकारहरूले कवि र कवितामाथि आ–आफ्ना विचार राखेका थिए । चितवन पोष्ट दैनिकका सम्पादक समेत रहेकमा कवि अर्यालका यसअघि नै ‘प्रतिनिधि कविताहरू’ (२०७१), ‘अन्तरमनका छालहरू’ (२०६९), ‘तिम्रा मेरा बातहरू’ (२०६०’, ‘सिर्जनाका धुनहरू’ (२०५६) र ‘मातृभूमिको गीत’ (२०३६) गरी पाँचवटा कविता संग्रहहरू प्रकाशित भइसकेका छन् । छैठाँै कविता संग्रहको रूपमा प्रकाशित कविताकृति ‘तृष्णा’मा ६१ वटा कविता संकलित छन् ।