ब्यक्तिले चलाएका सार्वजनिक पोखरीहरु उपमहानगर मातहत ल्याएर माछा पाल्दै
-
साउन ७,२०७६ काठमाडौं।
इटहरी उपमहानगरका प्रमुख द्धारिकलाल चौधरीको पहलमा ब्यक्तिले भोगचलन गर्दै आएका सार्वजनिक पोखरीहरु धमाधम उपमहानगर मातहत ल्याइदै छ ।
जमिन्दारहरुले पचासौ बर्ष देखि भोगचलन गर्दै आएका पोखरी उपमहानगर मातहत ल्याएर माछाका भुरा हाल्न थालिएको हो ।
इटहरी ४ स्थित चौधरी टोलस्थित साढे पाँचकठ्ठाको पोखरीमा ९ पोका माछाका भुरा हालिएको छ ।
यसैगरि इटहरी १८स्थित १० कठ्ठा क्षेत्रफलको डकाहा पोखरीमा १० पोका माछाका भुरा हालिएको छ ।
इटहरीको अन्य वडाका सार्वजनिक पोखरीहरुमा समेत माछाका भुरा हालिने उपहानगरले जनाएको छ ।
ती पोखरीहरुमा माछापालन गरि उपमहानगरको आन्तरिक आम्दानी वृद्धि गरिने मेयर चौधरीले वताउनुभयो ।
उपमहानगरले नगरभित्र रहेका सार्वजनिक जग्गा खोजि अभियानलाई तिव्र वनाउने क्रममा ब्यक्तिले बर्षौदेखि भोगचलन गर्दै आएका करौडौका पोखरीहरु उपमहानगर मातहत ल्याइएको हो ।
